Vranë shqiptarin në Greqi/ Gjykata e Korçës refuzon ekstradimin për Gëzim Latjan dhe Armando Tarushllarin

Gjykata e Korçës ka refuzuar këtë të premte kërkesën për ekstradim të Gëzim Latjat dhe Armando Tarushllarit të cilët akuzohen nga drejtësia greke se kanë vrarë një bashkëkombas rreth 16 vite më parë.

Latja dhe Tarushllari u arrestuan dy ditë më parë dhe paraditen e sotme gjykata caktoi ndaj tyre “arrest me burg”. Gjykata ka vendosur gjithashtu se gjykimi i tyre do bëhet në Shqipëri, duke refuzuar kështu kërkesën për ekstradim nga shteti fqinj.

Vrasja për të cilën akuzohen dy shqiptarët e lartpërmendur ka ndodhur në vitin 2008 gjatë një konflikti për motive të dobëta ku mbeti i vrarë Arjan Xhambazi dhe u plagos një tjetër.

Ekzekutimi i Xhambazit është regjistruar në mesnatën e 6 dhjetorit 2008 në lulishten “Karamali Kipseri” në Athinë, pasi shkak ka qenë një konflikt i krijuar mes çiftit të bashkëshortëve Elvira dhe Flamur Demiri.

Për shkak të dhunës së ushtruar nga Flamur Demiri, Elvira ishte larguar nga banesa e tij dhe kishte gjetur strehim tek shtëpia e shoqes së saj, Merita Hima. Flamuri, ka shkuar në banesën e Ritës për të marrë gruan por ajo s’ka pranuar të dalë nga shtëpia, pasi ai ishte i dehur, duke ju ndrojtur një dhunimi fizik.