Letër e hapur për kryeministrin Edi Rama

-Kërkesë-

LENDA: Disa propozime për shqyrtim dhe aprovim nga Këshilli i Ministrave

Z. Kryeministër, duke marre spunto nga stadi i zhvillimit te ekonomisë shqiptare, problemet e ndikimit te faktorëve te brendshëm dhe globale ne rritjen e kostos se jetesës , si dhe dinamikat e ndikimit për rritjen e cilësisë se jetës, sidomos për moshën e trete, propozoj disa masa për plotësimin e kërkesave baze te kësaj moshe si shtresa me vulnerable.

1. Qeveria here pas here bën indeksim për pensionistet me nje shifër relative ne përqindje afro sa koeficienti inflacionit për te gjitha masat e pensionit,ku pensionet e larta rriten me shume duke thelluar raportin max me min. Kjo situate do te ishte me pragmatike dhe proporcionale për te shtuar pensionet ne vlere absolute. Me Konkretisht ,si hap i pare,mund te behet rritje ne tre fasha, 6 mije, 4 mije dhe 3 mije leke. Për pensionet e ulëta me baze deri ne 20 mije leke, te këtë nje shtese prej 6 mije leke. Për pensionet me baze nga 20 deri30 mije leke, te këtë nje shtese prej 4 mije leke dhe për pensionet mbi 30 mije , nje shtese prej 3 mije leke. Për ndihmën sociale dhe invalidët, nje shtese prej 3 mije leke. Kjo forme eleminon disproporcioni qe krijohet nga rritja ne nje % te caktuar. Rimbursimi sipas koeficientit për inflacionin është nje e drejte tjetër pa e përfshirë me shtesën e drejtpërdrejte. Edhe ne këtë rast shtesa mund te jete e barabarte për te gjithe pensionistet, p.sh. prej 1 mije leke, pasi rritja e çmimeve ndikon njësoj për te gjithe.

2. Vendimi i Qeverise për pagën ne Administrate prej 900 Euro, është nje lajm i mire. Por diskutimi apo aprovimi për rritjen e pagave për nje kategori nëpunësish te Shtetit ne vlera marramendëse , deri7 mije Euro, po ndikon ne nje pakënaqësi te mëdha ne masën e popullit. Kështu është krijuar nje raport i pagës Min. me Max. deri 1: 15 ! Pavarësisht se jemi ne nje sistem me prodhim kapitalist, te gjendet modusi i shpërndarjes sociale, siç aplikohet ne shume vende ne Europe. Nje raport i arsyeshëm i pagës min. me ate max. do te ishte jo me shume se1 : 5 , ku paga me te larte duhet t’i përkasë Presidentit te Republikës. Ka shtete ne Ballkan qe e kane këtë Raporto me te larte se 1:3 .

3. Z. Kryeministër, Nuk mund te kaloje pa vëmendjen tuaj fakti , se grupmosha e Check-up-it mjekësor falas, është caktuar 35 deri 70 vjeç. Ky është nje absurditet dhe fyerje, qe te moshuarit mbi 70 vjeç te hiqen nga lista e kujdesit dhe mbrojtjes shëndetësore dhe shërbime te tjera ne publik, ndërkohë qe vota e tyre kërkohet dhe është determinuese për çdo Qeveri. Kësisoj jane përjashtuar rreth 275 mije pensioniste mbi 70 vjeç. Me e drejte do te ishte caktimi i kontrollit,nga mosha min 40 dhe deri ne fund te jetës pra ( 40 +) , pasi me rritjen e moshës shtohen edhe problemet shëndetësore, bile shume shtete mbi moshën e pensionit, rrisin kontrollet ne 2 here ne vit.

4. Medikamentet mjekësore për pensionistet nuk duhet te rimbursohen pjesërisht, por plotësisht 100 % , si ne gjithe vendet e Europës dhe me gjere. Pagesat për udhëtimet urbane, për aktivitete sportive ,vizita ne muze, etj është e përshtatshme te jene 30 -40 % duke i pajisur pensionistet me kartën i “moshuar” (Senior )

5. Llogaritja e masës se pensionit për personat qe kishin mbushur moshën deri me 31.12.2014 behej sipas formulës për te ardhurat e 3 viteve te 10 vjetëve te fundit, ndërsa me ligjin e ri personat qe mbushen moshën nje dite me pas pra nga 01 janar 2015 , llogariten me totalin e gjithe viteve te punës. Do te ishte me racionale qe te përpunohet nje variant qe i përshtatet nje zgjedhje optimale te çdo pensionisti,sipas kontributeve te derdhura gjate gjithe viteve te punës.

6. Komiteti Kombëtar dhe Komiteti i Tiranes, te Organizatës se Veteraneve dhe pasardhësve te LANÇ, i kane zyrat kryesisht ne katin e peste ne aneksin e godinës se Kryesisë se PS. Anëtaret veterane dhe pasardhësit, shumica jane pensioniste dhe ne moshe shume te shtyre edhe 100 vjeç, kane vite qe torturohen duke u ngjitur ne katin 5, ndërsa bijtë dhe nipat e tyre gëzojnë komoditet ne katet e para te kësaj godine. Do te ishte ne nderin e kësaj Qeverie, Instalimi i nje ashensori,qe do ti jepte zgjidhje nje absurdi te tille . Mbetem me shprese se Shkëlqesia juaj do te plotësojë këto kërkesa minimale.