Pas sherrit të fortë dhe përleshjes fizike mes Luçiano Boçit dhe biznesmenit, vjen reagimi i Gjergj Lucës: Harresa është gjëja më e mrekullueshme që ka bërë Zoti por edhe pendesa

Pas sherrit të ndodhur disa ditë më parë në Elbasan mes ish deputetit, Luçiano Boçit dhe biznesmenit të njohur Gjergj Luca, ka reaguar për mediat vetë Luca.

I pyetur sot nga gazetarët në Maliq, lidhur me incidentin, Luca është shprehur se e ka lënë pas krahëve atë incident, ndërsa përfshirjen e tij e ka cilësuar aksidentale.

“Ne jemi mbledhur për këtë punë dhe po për gjëra të tjera që kanë ndodhur jashtë dëshirës sime dhe jashtë asaj që unë jam. Nuk mundoj që sot në këtë ditë pune të bëhet objekt një gjë që nuk duhej të ndodhte.

Harresa është gjëja më e mrekullueshme që ka bërë Zoti por edhe pendesa, disa njerëz duhet të kenë, që minimalishit duhet të fisnikërohen para opinionit publik. Megjithatë kjo vlen për ata njerëz që dalin dhe e dinë çfarë bëjnë. Mua më vjen keq edhe njëherë që ka ndodhur, nuk është Luca dhe nuk besoj se as ai tjetri nuk është pjese e atij aksidenti”, u shpreh Luca nga Maliqi.