“Si nuk më prite?”/ Saimir Tahiri në zi, humb njeriun e shtrenjtë

Ka ndërruar jetë mëngjesin e sotëm Bashkim Tahiri, babai i ish-ministrit të Brendshëm Saimir Tahiri.

Bashkim Tahiri ka ndërruar jetë në moshën 73-vjçare pas një “lufte” me sëmundjen e rëndë, betejë të cilën nuk ka arritur ta fitojë dhe mëngjesin e sotëm ka mbyllur sytë përgjithmonë.

Babai i ish-ministrit prej disa vitesh vuante nga leucemia, por sëmundja ishte përkeqësuar vitin e fundit duke i marrë edhe jetën. Bashkim Tahiri ishte farmacist dhe prej vitesh ushtronte këtë profesion.

Lajmin e hidhur e kanë bërë me dije edhe familjarët e tij në një postim në faqen zyrtare të Saimir Tahirit. Në njoftim thuhet se varrimi bëhet sot, ora 11:00.

Me sa nxitim e more këtë rrugën e fundit dreqin.

Mua me bëre dhuratën më të madhe ndonjëherë, më bëre burrë.

Dhe rri i qetë andej, mos u mërzit më. Qesh e gëzohu siç bëje këtu me ne.

Sa here bëhesha gati po nuk ta thoja dot se më vinte zor, por ja po ta them tani që nuk më degjon më:

Të duam të gjithë shumë shoku Bashkim.

Varrimi bëhet nesër datë 17 Mars, ora 11:00

Adresa: Funeral Home ALBA 2000, Rr. Dibrës 302.