Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Isabella Gresser, në Tiranë me filmin “Shoqëri e lodhur...”

Postuar: 13/04/2019 - 07:30

Në prezencën e autores Isabella Gresser në galerinë e artit “Zeta” u shfaq filmi "Shoqëri e Lodhur - Byung-Chul Han në Seul / Berlin". Filmi ese rreth filozofit gjerman Byung-Chul Han, trajton fenomenin e lodhjes në shoqëritë tona kapitaliste dhe simptomat e lidhura me të, të tilla si depresioni dhe burnout (fikja mendore). Ai ngre pyetjen se si ne duam të jetojmë sot dhe se çfarë mund t'i kundërpeshojmë presionit të një shoqërie dixhitale të orientuar drejt arritjeve. Kur libri “Shoqëri e Lodhur” u shfaq në vitin 2011, i mati pulsin Evropës dhe Koresë së Jugut. Sot tezat e tij kritike të shoqërisë kontribuojnë së tepërmi në njohjen e shoqërisë sonë në epokën e vetë-shfrytëzimit, neoliberalizmit dhe mbikëqyrjes. Artistja vizuale, Isabella Gresser, nga Berlini, e shoqëroi Byung-Chul Han për disa vjet në vendlindjen e tij, Seul, dhe ndërthuri vëzhgimet e saj kinematografike, fotografike dhe vizatimet që realizoi në Kore dhe Berlin, me tekstin e folur dhe ligjërimin e Byung-Chul Han. Ky film që mbrëmë u shfaq me titra në anglisht, ka qenë në proces midis viteve 2012 dhe 2014. Ndërthurja e elementëve imagjinarë, eksperimentalë dhe dokumentarë ka gjeneruar një film hibrid që pasqyron një vështrim të brendshëm në mendimin e këtij filozofi, i cili nuk është shumë i pranishëm në shfaqet publike dhe media. Regjisorja e filmit Isabella Gresser punon me mediume dhe formate të ndryshme. Ajo studioi me Marina Abramoviç dhe veprat e saj janë ekspozuar ndërkombëtarisht në kontekstin e artit dhe filmit. Videot dhe instalimet e saj të shumta kombinojnë video, filmime të gjetura, vizatime dhe fotografi, me pasazhe tekstesh nga letërsia, filozofia ose poezia. Puna e saj poetike eksperimentale karakterizohet nga një theks mbi kërkimin dhe teorinë kritike dhe lidhjen e aspekteve kulturore-teorike dhe filozofike të Perëndimit dhe Lindjes së Largët. Në aktivitetin e saj përmendim ekspozita dhe projeksione në CCCB Museum Barcelona, NeMaf Seoul, Filmmuseum München, EMAF European Media Art Festival Osnabruck, Kittredge Gallery USA, 65. Berlinale, Ruhrtriennale, Korean Film Archive, SeMA Media City Biennale Seoul, Wexner Art Center USA, Video Art Festival Miden, Oslo Screen Festival, 24. Woman Makes Waves Film Festival, Cairo Video Art Festival, Kaaitheater Brussels, KLex Kuala Lumpur Experimental Festival etj. Filmi që u shfaq mbrëmë te “Zeta” ku ishte e pranishme dhe vetë autorja u mundësua nga mbështetja e “Goethe Institut Tirana”.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 11/12/2019 - 07:20

Cirku Kombëtar me aktivitetin e tij është dhe pranë fëmijëve larg arenës. Artistët e Cirkut Kombëtar ishin në Ndroq pran fëmijëve, për ti larguar ata nga situata e vështirë që po kalojmë pas tërmetit.

Postuar: 11/12/2019 - 07:20

Drama "Epsh dhe lakmi", shkruar nga autori Eugene O’Neill më 1925 vjen premierë n

Postuar: 11/12/2019 - 07:19

Kuratorët e ekspozitës “Tirana Patience” Adam Szymczyk dhe Natasa Ilic, përmes një de

Postuar: 11/12/2019 - 07:17

Teatri Kombëtar përfshihet në listën e 14 vendndodhjeve më të rrezikuara në Europë, të shpallur n

Postuar: 10/12/2019 - 18:02

 Marie Fredriksson, vokalistja e grupit të njohur suedez të viteve 1990-të Roxette ka vdek

Postuar: 10/12/2019 - 07:26

Siguria e Kalasë së Krujës mblodhi në takim specialistë të trashëgimisë kulturore, inxhinierë , g

Postuar: 10/12/2019 - 07:25

“Këngëtarja tullace” kryevepra e autorit Eugene Ionesco, komedia absurde e sjellë mje