Talenti/ Ademi: Shqipëria nuk u interesua për mua, zgjodha Kroacinë

Arijan Ademi është i lumtur që para disa ditësh debutoi me Kombëtaren e Kroacisë në ndeshjen miqësore që kjo e fundit e zhvilloi ndaj Koresë Jugore. Futbollisti shqiptar me prejardhje nga Tetova ka treguar se e kishte ftuar edhe Përfaqësuesja e Maqedonisë, por këtë ftesë e kishte refuzuar nga dëshira për të luajtur me kroatët. Mirëpo, në dallim prej Kroacisë e Maqedonisë, që njëkohësisht e kërkonin mesfushorin e Dinamos së Zagrebit, Kombëtarja e Shqipërisë nuk e kishte kontaktuar fare atë. “Nga Shqipëria asnjëherë nuk kam marrë ftesë. Me siguri ka munguar interesimi i tyre dhe për këtë arsye nuk mund të flas në mënyrë hipotetike ‘çka do të bëhej nëse do të bëhej’. Atyre nuk ia ka shkuar mendja të më kontaktojnë. Tash, pas ftesës së Kroacisë dhe debutimit që bëra në fanellën kroate në ndeshjen miqësore kundër Koresë Jugore është tepër vonë, sepse kam vendosur të luaj për Kroacinë”, tha Ademi.